Mu mirwano ikomeje guhanganisha igisirikare cya Congo (FARDC) n’umutwe wa M23 mu burasirazuba bw’iki gihugu cya Congo , umutwe wa M23 ukomeje kwigarurira uduce tugiye dutandukanye aho bivugwako imirwano iri kubera mu birometero 5 gusa uvuye mu mujyi wa Goma.
Bivugwako , umutwe wa M23 wamaze gufata teritwari ya Masisi nyuma y’imirwano ya bahaganishije n’ingabo za FARDC mu bice bya Kirirore na Sake ndetse M23 ikavugako yabanje guhangana na FDLR mu buryo bukomeye , nyuma y’uko abasirikare ba FARDC bo bari bamaze guhunga.
Nyuma y’uko teritwari ya Masisi ifashwe na M23 , ikaba yaraje y’iyongera ku bindi bice uy’umutwe wigaruriye mu ntangiriro z’iki cyumweru birimo agace ka Tongo gaherereye muri gurupoma ya bwiza , umutwe wa FDLR warumaze imyaka 18 ungenzura.
Ni mugihe bivugwako , igihe imirwano yaba ikomeje umutwe wa M23 wakigarurira umujyi wa Goma uherereye mu burasirazuba bwa Congo , nyuma y’uko ingabo za FARDC zishinzwe kuhurinda zo zikomeje gukuramo akazo karenge , nyuma yo kurushwa imbaraga na M23.
Mugihe imirwano yo ikomeje , umutwe wa M23 ukaba warasohoye itangazo ushinja ingabo za FARDC ku kuba zikomeje kujyana kugahato abaturage mu nkambi y’impunzi ya Kanyarunshinya aho bajyanwa kuba mu buzima bubi bwo mu nkambi kandi aho babakuye hari amahoro.