Ishimwe Dieudonné uzwi nka Prince kid yongeye kugaragara mu rukiko aho agiye gutangira kuburana urubanza rwe mu mizi , aho ashinjwa ibyaha birimo gusaba cyangwa gukoresha ishimishamubiri rishingiye ku gutsina no guhoza undi ku nkeke bifitanye isano n’imibonano mpuzabitsina.
Kuri uyu wa gatatu ahagana saa mbiri za mugitondo , akaba aribwo Prince kid yageze ku rukiko rwisumbuye rwa Nyarugenge ndetse ubwo yageraga ku rukiko akaba yaragaye nk’umuntu ifite akanyamuneza mu maso ye ndetse akaba yayise abanza no gusuhuza abari bitabiriye urubanza.
Ubwo urubanza rwa tangiraga , Prince kid yabwiye urukiko ko ataburana kuko hari undi mu nyamategeko we agitegereje ko agera ku rukiko ndetse impamvu z’ubukererwe bwe Prince kid akaba yari yazimenyesheje urukiko binyuze mw’ikoranabuhanga rihuza ababuranyi n’urukiko.
Nyuma y’impaka ndende hagati y’urukiko na Prince kid , Prince kid yabwiye urukiko ko adashobora kuburana mugihe adafite itsinda ry’uzuye ry’abamwunganira maze asaba urukiko ko rwaba rukomeje izindi manza , ubundi urubanza rwe rukaza gukomeza nyuma umwunganira yageze mu rukiko.
Umucamanza n’ubushinjacyaha babajije Prince kid icyo yaba yifuza niba arugusubika urubanza cyangwa ikindi , Prince kid avugako icyo ashaka aruko hategerezwa igihe gito umwunganira akagera mu rukiko ubundi urubanza rugatangira , ntampamvu y’indi yatuma urubanza rusubikwa.
nyuma yo kumva ubusabe bwa Prince kid umucamanza akaba yayise amumenyeshako saa yine nizigera umwunganira ataragera mu rukiko hafatwa ikindi cyemezo ngo kuko urukiko atarirwo rukwiye gutegereza uwunganira , urubanza rukaba rwayise rusubikwa rwimurirwa kw’isaha ya saa yine.
Ubwo urubanza rwasubukurwaga Prince kid akaba yongeye kwangako urubanza rwe rwaba mu muhezo nkuko ubushinjacyaha bwagiye bubisaba urukiko mugihe Prince kid we yasabyeko rutaba mu muhezo gusa icyifuzo cya Prince kid urukiko rwisumbuye rwa Nyarugenge rukaba rwacyanze maze rutegekako urubanza rwakomeza mu muhezo.