Urukiko rwisumbuye rwa Nyarugenge rwagize umwere Uwihoreye Jean Bosco uzwi muri film nyarwanda nka Ndimbati , wari ukurikiranweho icyaha cyo gusambanya umwana utaruzuza imyaka y’ubukure 18 akanamusindisha , rusabako ayita arekurwa.
Uwihoreye Jean Bosco uzwi nka Ndimbati , mu rukiko akaba yaraburanye yemerako uwo mukobwa ashinjwa ko babyaranye ariko akavugako uwo mukobwa atari umwana kandi ko atigeze amuha ibisindisha kungirango amusambanye , nkuko abishinjwa.
Ndimbati akaba yaragaragarije urukiko ibimenyetso birimo nko kuba ashinja ibinyoma nk’ibimenyetso byahimbye birimo nk’ifishi y’umwana y’ubuzima irimo intara,umudugudu,icyiciro cy’ubudehe mugihe mu mwaka wa 2002 bavugako uy’umukobwa yavutsemo ibyo bintu bitari byagashyirwa ku mafishi y’umwana y’ubuzima.
Ndimbati kandi akaba yagaragajeko kuri iy’ifishe hariho ko uy’umukobwa yakingiwe Hepatite B mugihe icyo gihe mu Rwanda bari bataratangira gukingira iyo ndwara , Ndimbati kandi akaba yagaragajeko iy’ifishi y’impimbano igaragazako uy’umukobwa yaba yarafashe urukingo rwa nyuma mu mwaka 2024 bivugako yaba yarakingiwe ataravuka.
Ndimbati akaba yarasobanuriye urukiko uburyo yasabye uy’umukobwa kudakuramo inda , akamwizeza kuzamufasha kurera umwana uzavuka ndetse akaba ari n’ibintu yatangiye gukora akimara kubimubwira , kugeza ubwo yatabwaga muri yombi n’urwego rw’ubugenzacyaha RIB.
Ndimbati akaba yari yasabye urukiko ko rwa murenganura agafungurwa agakomeza inshingano zo kurera abana be doreko yemerako arabe ndetse akaba yaranabandikishije mu gitabo kirangamimere , umunyamategeko wa Ndimbati we akaba yashimiye ubutabera bwahahwe umukiriya we ngo kuko gufungwa kwe byagaragako birimo ibyo yise akagambane.