Ku munsi wo ku cyumweru tariki ya 11 Nzeri 2022 , umutwe wa TPLF ubarizwa mu ntara ya Tigray mu gihugu cya Ethiopia umaze imyaka 2 mu ntambara uhanganye n’ingabo za leta ya Ethiopia wasohoye itangazo , utangazako witeguye guhagarika intambara ukajya mu biganiro by’amahoro biyobowe na Africa yunze ubumwe.
Umutwe wa TPLF muri ir’itangazo wavuzeko witeguye guhagarika intambara ukayoboka ibiganiro by’amahoro biyobowe na Africa yunze ubumwe maze ukagirana ibiganiro na leta ya Ethiopia , ibiganiro byitezweho gushyira iherezo ku ntambara yari imaze hafi imyaka 2 impande zombi zirasanya , abaturage bamwe bagapfa abandi bagahunga.
Ir’itangazo ry’inyeshyamba za TPLF ryo kwemera ibiganiro by’amahoro rikaba ryaraje rikurikira itangazo rya leta ya Ethiopia nayo yashyize hanze ivugako yiteguye kujya mu biganiro by’amahoro ntayandi mananize ndetse ko initeguye kuzabyitabira igihe byabera icyaricyo cyose ndetse naho byabera ahariho hose , ariko intambara ikaba yahagarara.
Kwemera ibiganiro by’amahoro kw’inyeshyamba zo muri Tigray bikaba bibaye nyuma y’ubwiyongere bwinshi bw’abahagarariye dipolomasi mpuzamahanga basabako hatangwa inzira yo gukora ubutabazi ku babukeneye nyuma y’uko mu kwezi kwa Kanama iy’intambara yongeye kwaduka nyuma y’uko hari hashize igihe impande zombi zarahagaritse kurwana.
Ni mugihe inyeshyamba za TPLF zanze umpuhuza wa Africa yunze ubumwe mu biganiro by’amahoro zimushinjako ari umuntu wa hafi wa Abiy Ahmed Minisitiri w’intebe w’iki gihugu cya Ethiopia , Perezida wa komisiyo ya Africa yunze ubumwe akaba yashimye intambwe impande zombi zateye ndetse asabako bayita bahagarika intambara bagayita bajya mu biganiro bigamije kigarura ituze muri iki gihugu cya Ethiopia.
Source : Al Jazeera