Kanyabugande Oliver uzwi nka Nyaxo mu Rwanda bitewe na film z’urwenya akina ndetse akaba n’umwe mu banyarwenya bakunzwe cyane hano mu Rwanda , yatawe muri yombi akurikiranweho icyaha cyo gukubita no gukomeretsa kubushake.
Icyaha Nyaxo akurikiranweho amakuru akaba avugako ari icyaha yakoreye muri restaurant ihereye mu karere ka Nyarugenge mu murenge wa Nyamirambo akagari ka Rugarama n’umudugudu wa Rusisiro , Nyaxo akaba yaratawe muri yombi tariki 18 kanama 2022.
Kanyabugande Oliver uzwi nka Nyaxo , urwego rw’ubugenzacyaha(RIB) rukaba rwaramutaye muri yombi nyuma y’uko uy’umusore yakubise umugabo w’imyaka 30 icupa n’inkoni yo mu mutwe , bikamuviramo gukomereka ubwo bari muri restaurant.
Kugeza ubu uy’umusore umenyerewe muri film z’urwenya akaba acumbikiwe kuri sitasiyo ya RIB ya Nyamirambo , mugihe dosiye ye yamaze gushyikirizwa ubushinjacyaha kuri uyu wa mbere tariki 22 kanama 2022 , ategereje kwitaba urukiko agatangira kuburana ku cyaha akurikiranweho.
Kanyabugande Oliver , akaba ari umusore w’umunyarwanda wamenyekanye muri film z’urwenya hano mu Rwanda by’umwihariko film zica ku rubuga rwa YouTube ndetse akaba azikina nk’umuntu wabigize umwuga akora ndetse akaba yaraherutse no kugaragara mu mashusho y’indirimbo, Tobora y’umuhanzikazi butera knowless.