Umukinnyi Lionel Messi nyuma yo kwegukana Ballon D’or ye ya karindwi mu mwaka wa 2021 , Ballon D’or itaravuzweho rumwe na bamwe mu bakunzi b’umupira wa maguru , bavugako umukinnyi Robert Lowandowski ariwe wari guhabwa Ballon D’or ya 2021.
Kuri ubu uy’umukinnyi w’ikipe ya Paris St -Germain , Lionel Messi ndetse na mugenzi we bakinana Neymar Jr uko bombi ari babiri ntibigeze bagaragara k’urutonde rw’abakinnyi 30 bazatoranywamo batatu bazahatanira , Ballon D’or ya 2022.
Umukinnyi Lionel Messi kutagaragara k’urutonde rw’abakinnyi 30 ba nyuma bazatoranywamo batatu bazahatanira umupira wa zahabu , akaba ari ibintu byongeye ku mubaho nyuma y’imyaka 17 adasiba kugaragara kuri uru rutonde rwa Ballon D’or , kuva mu mwaka wa 2005.
Kutagaragara kuri uru rutonde kwa Messi bikaba bijyanye n’uburyo yagaragaje urwego rwe rw’imikinire ruri hasi nyuma yo guhindura ikipe aho yerekeje mw’ikipe ya PSG avuye mw’ikipe ya FC Barcelona , yamureze kuva akiri umwana kugeza abaye ikirangirire mu mupira wa maguru kw’isi.
Mu bakinnyi 30 bahatanira Ballon D’or ya 2022 , umukinnyi Cristiano Ronaldo we akaba yaragaragaye kuri uru rutonde gusa akaba ntamahirwe na make ahabwa yo kuba yatwara iyi Ballon D’or yaba ari 6 ye atwaye , akaba ntamahirwe afite bitewe n’ibihe bibi Manchester United yagize kandi ikirimo.
Ballon D’or ya 2022 , umukinnyi Karim Benzema wa Real Madrid akaba ariwe ukomeje kuvugwako azatwara uy’umupira wa zahabu ndetse abakinnyi barimo nka Sadio Mane watwaye ibikombe n’udukombe ndetse akaba aherutse no kwegukana igihembo cy’umunya-africa mwiza wa 2022 , akaba adahabwa n’amahirwe yo kuza muri batatu ba mbere bazavamo uwegukana iki gihembo gitangwa n’ikinyamakuru cya France Football.
