Umucamanza wo mu rukiko rwo muri leta ya Delaware muri leta zunze ubumwe za America Chancellor Kathaleen McCormick , uri kuburanisha urubanza urubuga rwa Twitter ruregamo umuherwe Elon musk yanzuyeko urubanza ruzasubukurwa muri Kanama uy’umwaka wa 2022.
Elon musk we akaba yari yatanze icyifuzo cy’uko uru rubanza ikigo cya Twitter kimuregamo rwashyirwa muri Gashyantare mu mwaka wa 2023 , ni mugihe hashize igihe ubuyobozi bwa Twitter budacana uwaka na Elon musk ndetse ubuyobozi bunafata icyemezo cyo kumujyana munyiko nyuma yuko uy’umuherwe avuzeko atakiguze uru rubuga rwa Twitter.
Nyuma yuko Elon musk avuzeko agiye kugura urubuga rwa Twitter miliyari (44b) z’amadorari ya America , urubuga rwa Twitter rwavuzeko rwahombye kuko nyuma yuko Elon musk yisubiyeho akavugako atakiguze uru rubuga buri mugabane warwo wayise umanukaho 22%.
Uy’umwanzuro w’umucamanza Kathaleen McCormick ukaba warafashwe nk’itsinzi ya mbere uru rubuga rwa Twitter rutsinzemo uy’umuherwe Elon musk kuko Twitter ariyo yari yatanze icyifuzo cy’uko uru rubanza rwashyirwa muri Kanama uy’umwaka wa 2022.
Elon musk akaba yaraherutse gutangaza ko ashaka kugura Twitter akayiha imikorere mishya kuko we yavugako Twitter idatanga ubwisanzure ku bantu bayikoresha ndetse Musk azakumvikana n’ubuyobozi bwa Twitter kuyigura miliyari 44 z’amadorari , gusa nyuma Musk nanone yaje gutangaza ko atakiguze Twitter ndetse ubuyobozi bwa Twitter bufata umwanzuro wo kumujyana munyiko.
Source : The guardian