Muri Congo nyuma yuko M23 yongeye gufungura umupaka wa Bunagana nyuma y’icyumweru kimwe bagenzera uy’umujyi , ubuyobozi bwa Congo muri kivu ya majyaruguru bwabujije abatutage gukoresha uy’umupaka maze ubuyobozi buburira abatutage ko uzahukoresha azafatwa nk’umuntu ushyigikiye M23 ifatwa nk’umutwe w’iterabwoba na leta ya Congo.
Iki cyemezo gifashwe na leta ya Congo nyuma yaho ku munsi wo kuwa mbere tariki 20 Kamena 2022 , umuvugizi wa M23 Major Willy Ngoma yatangajeko umupaka wa Bunagana wongeye gufungirwa ku mugararo ndetse abanye-congo bari barahunze bahungiye mu gihugu cya Uganda batangira gutaha basubira mu byabo ndetse banizezwa umutekano wabo.
Nyuma yiri tangazo rya M23 rimenyeshako umupaka wa Bunagana wongeye gufungurwa , Goverineri wa kivu ya majyaruguru kuruhande rwa leta ya Congo Gen. Ndimba Kongba Constant yayise asohora itangazo ribuza abakozi ba gasutamo ndetse na bakora ubucuruzi kudakoresha uy’umupaka wa Bunagana , kuko wigaruriwe na M23 umutwe w’iterabwoba.
Muri iri tangazo kandi Gen. Ndimba Kongba Constant yakomeje avugako abazakoresha uy’umupaka wa Bunagana bazafatwa nka bakora magendu ndetse bagafatwa nka bakorana n’umutwe wa M23, Gen. Ndimba Kongba Constant akaba yarijeje abanye-congo ko ingabo za leta ya Congo (FARDC) zigiye gukora ibishoboka byose zikisubiza uy’umupaka wa Bunagana.
Mugihe Goverineri wa kivu ya majyaruguru we atangazako ingabo za leta ya Congo (FARDC) zigiye gukora ibishoboka byose ngo zisubize umupaka wa Bunagana ibintu bikomeje kuzibera bibi cyane , kuko nyuma ya masaha arenga 8 M23 ihanganye nizi ngabo za FARDC uy’umutwe wa M23 wongeye gufata undi mupaka wa Kitagoma nabwo uhuza Uganda na RDC.
Nubwo ariko intambara ikomeje mu burasirazuba bw’iki gihugu cya Congo hagati y’umutwe wa M23 n’ingabo za Congo (FARDC) , inama y’ibihugu bigize umuryango wa Africa y’iburasirazuba (EAC) yateranye tariki 20 Kamena 2022 , yatagetseko imitwe yitwaje intwaro mu burasirazuba bwa Congo iva mu bice irimo kugenzura maze igahagarika imirwano.
Source : BBC