kuwa gatanu tariki 13 Gicurasi 2022 , urwego rw’igihugu rw’ubugenzacyaha RIB rwashyikirije ubushinjacyaha dosiye ya miss iradukunda Elsa na noteri Uwitonze Nasira .
Bakaba bakurikiranyweho ibyaha bitatu birimo icyaha cyo gutanga ubuhamya bw’ibinyoma mugihe iki cyaha cyabahama amategeko ateganyako uwakoze iki cyaha abigambiriye ahanishwa igifungo kitari munsi y’umwaka 1 ariko ntikirenze imyaka 3 n’izahabu y’amafaranga ibihumbi 500 ariko atarenze miliyoni imwe.
ikindi cyaha Miss iradukunda Elsa na noteri Uwitonze nasira bakurikiranyweho n’ubutabera ni icyaha cyo koshya hitabajwe inzego z’ubutabera , ni mugihe iki cyaha iyo urukiko rugihamije ugishijwa ahanishwa igifungo kitari munsi y’umwaka 1 ariko ntikirenze imyaka 2 n’izahabu y’amafaranga ibihumbi 500 ariko atarenze miliyoni imwe.
icyaha cya gatatu bakurikiranyweho n’icyaha cyo guhimba , guhindura inyandiko cyangwa gukoresha inyandiko mpimbano mu gihe iki cyaha cyabahama bakaba bahanishwa igifungo kitari munsi y’imyaka 5 ariko ntikirenze imyaka 7 n’izahabu y’amafaranga miliyoni 3 ariko zitarenze miliyoni 5 cyangwa agakora kimwe gusa muribyo bihano.
Miss iradukunda Elsa akaba yaratawe muri yombi ashinjwa ku bangamira iperereza ku byaha bifitanye isano n’ibyaha uwitwa prince kd yari akurikiranweho by’ihohoterwa rishingiye ku gitsina yakoreye abakobwa bitabiriye irushanwa rya Miss Rwanda mu bihe butandukanye.
Miss iradukunda Elsa akaba yaratawe muri yombi akekwaho icyaha cyo gukoresha inyandiko abakobwa bitabiriye irushanwa rya Miss Rwanda , inyandiko ibasaba guhakanako baba barakorewe ihohoterwa rishingiye ku gitsina ubwo bitabiraga irushanwa rya Miss Rwanda.