Dr Tedros Adhanom Ghebreyesus umuyobozi wa OMS ishami rishinzwe kwita ku buzima kw’isi ry’umuryango wa bibumbye , yanenze ubusumbane n’ivangura bikomeje kugaragara mu gutabara abaturage bari mukaga aho ubuzima bwa banya-africa budafatwa kimwe n’ubuzima bw’abazungu cyangwa se ubundi bwoko.
Dr Tedros , yavuzeko kuri ubu isi yose yashyize umutima wayo ku ntambara ya Ukraine n’uburusiya kandi nyamara hari ahandi kw’isi abaturage bari mukaga ariko nta numwe ubutayeho , Tedros yavuzeko we asanga ibikorwa by’ubutabazi bidahabwa umwanya n’agaciro iyo abari mukaga atari abazungu.
Dr Tedros , yibajije niba isi yita kimwe ku buzima bw’abirabura n’ubwabazungu agendeye ku kuba abaturage bari mukaga k’intambara yo muri Tigray , Yemeni , Afghanistan ndetse no muri Siliya batarigeze bitabwaho nkuko abari muri Ukraine bitaweho.
Mu kwezi gushize Dr Tedros Adhanom Ghebreyesus yavuzeko nta hantu kw’isi ubuzima bwa miliyoni z’abaturage bari mukaga nko muri Tigray , aho yavuzeko nibura muri Tigray hakenerwa amakamyo ibihumbi bibiri by’ibiribwa n’imiti n’ibindi nyenerwa ariko hakaba hajyayo amakamyo agera kuri 20 gusa yo nyine mu gufasha abanya-Tigray bari mukaga.
Source : Reuters